সেনাপটি ডিষ্ট্রিক্টতা কোয়বা অমদি য়েংবা য়াবা মফমশিং
-
সেনাপটি
অনৌবা সহর মচা অমা অমশুং ডিষ্ট্রিক্ট হেডক্বার্টর ওইরিবা সেনাপটি অসি ইম্ফালদগী কিলোমিটর ৬২ লাপ্না লৈ। ডিষ্ট্রিক্ট হেডক্বার্টর অসিদা সরকারগী ওফিস ৩০গী মথক্তা লৈ। ডিষ্ট্রিক্ট অসিদা তোঙান-তোঙানবা ফুরুপ কাংবুগী মীওইশিংনা সহর মচা অসিদা নুংশি-চান্ননা পুন্না খুন্দমিন্নরি।
-
মরাম খুল্লেন
ডিষ্ট্রিক্ট অসিগী খ্বাইদগী চাওবা খুঙ্গংশিংগী মনুংদা অমা ওইরিবা মরাম খুল্লেন অসি য়াম্না কুইরবা, অরিবা অমদি অহান্বা খুলনি। মসি মীওইবগী মরমদা নৈনবা/থিজিনবা কাংবুশিং অমদি অখঙ-অহৈশিংগী পন্থুংফম্নী থিজিনফম্নি।
-
য়ংখুল্লেন
পেরেন লম্বীগী মরাম সেন্টরদগী কিলোমিটর ৪৭ রোম চৎলগা লৈরিবা খুল “য়ংখুল্লেন” অসি খ্বাইদগী চাউবা জৌমৈ খুলনি। অরিবা মতমগী সমাজ অমসুং শেল-থুমগী পুন্সি মওং অদু হৌজিকসু খুল অসিদা উবা ফংলি। মসি ফক্লাংগুম্না ঙম্বা মহৌশাগী ফজরবা দৃশ্যশিংগা লোয়ননা লৈরিবা চীংমায়নি।
-
মাও
মণিপুরগী ঙমখৈ ওইরিবা, নাগালেণ্ড ষ্টেটকা থংনরীবা, ইম্ফালদগী কিলোমিটর ১০৭ রোম চৎলগা লৈবা মাও অসি মথৌ য়াম্না চিনবা সহর মচা অমনি। মফমসিদগী কোহিমা য়ৌবদা কিলোমিটর ২৮ থাপ্পী। মসি অকোয়বদা লৈরিবা খুলশিংগী পুক্কৈনি অমশুং মণিপুর ষ্টেট অসিগী গেটৱেনি।
-
লিয়াই
তদুবিদগী নোংপোক্লোমদা কিলোমিটর ৩৩ চৎলগা লৈরিবা লিয়াই খুঙ্গংসিদা ইতিহাসকী ওইবা তোঙান-তোঙানবা মফমশিং হায়বদি ষ্টোন মোনোলিঠ, ৱাটর ফোল্স, বনয়ান ট্রি, মেল হাউস অমশুং ফিমেল হাউসশিং লৈ। বরাক তুরেলসি খুঙ্গং অসিদগী হৌরকপনি।
-
মখেল
খুল অসি মান্নদবা ফুরুপ ময়াম্না খুন্দমিন্নরিবা অশেংবা মফম্নি। ফুরুপশিং অসি কুইরবা মতমদা মফমসিদা হোংলকখিবনি। মখেল খুলসিদা ইতিহাসকী ওইবা নীংশিংনবা পোৎশকশিং- নাগা মাদরগী মংফমদগী হৌরকপনি হায়না থাজনরিবা “সেক্রেৎ বনয়ান ট্রি”, ফ্যিয়ারৱেল মোনোলিঠ, মখেলদগী খা পাংনা কিলোমিটর অহুম (৩)লোম চৎলগা লৈরিবা “ট্রাইওমোনোলিঠ”, মখেলদগী অৱাংলোমদা কিলোমিটর অনী (২) চৎলগা লৈরিবা সজৌবা “দিসপর্সেল ট্রি”, হেলষ্টোর্ম ষ্টোন, ভিলেজ সেটলমেন্ট ষ্টোন অমদি লকি ষ্টোন-নচিংবা লৈ।
-
জুকো ভেল্লি
মীৎফম হোংবা ঙমদবা শুহ্মৎনা ফজবা জুকো ভেল্লি তম্পাক অসি ঙমখৈ সহর মচা অমা ওইরিবা মাওদগী শাংনা চৎলগা য়ৌবা য়াই। মফমসিদী নীংথম থাগী মতমদা ঊন তাবা অমশুং য়েন্নিং হুনবা বসন্ত ঋতুগী মতমদা জুকো লিলিনা ময়োল চোংতকপা মফমসিদা উবা ফংগনি।
-
পুরুন
নেস্নেল হায়ৱে ৩৯, মরামদগী কিলোমিটর ১৯ চৎলগা লৈরিবা পুরুলগী নাৎকী ওইবা মশান্না তৌতৌ অমসুং রেস্লিং হৌরকই। তৌতৌ হায়বা মশান্না অসি অনৌবা চহী হৌবগী কুহ্মৈগী মতমদা শান্নৈ অদুগা রেস্লিং/মুক্না মশান্নাসি “পাওকি” হায়না খংনবা লৌ-লিংবা কুহ্মৈ পাঙথোক্কদবা নোংমা ৱাৎলিঙৈদা শান্নৈ। পাওকি কুহ্মৈনা মে থাগী অহান্বা থাখায়দা পাঙথোকই।
-
কৌব্রু মাউন্টেন্ট
মাউন্টেন্ট অসি মণিপুরগী খ্বাইদগী ৱাংবা চীংশিংগী মরক্তা অমনি। মীয়াম্না কৌব্রু চীংসি কালেন থাগী মতমদখক কানৈ। চীংসি কাবদা গ্রুপ-গ্রুপ ওইনা কাই। মহাভারতকী মতমদা পণ্ধোপশিংনা কৌব্রু মাউন্টেন্টদা লাক্লম্মী হায়না হায়নৈ। মীয়াম্না ফাওরগা চৎনবা অশাংবা শুরুং অমসু মফমসিদা লৈ।
-
সদু চিরু ৱাটরফোল
ৱাটরফোল অসি লমকোয়বশিংনা য়াম্না পাম্না অমদি পিক্নীক ওইনা চৎনবা মফমনি। মসি সদু, ইচুম কৈরাপ খুলগী মনাক্তা ইম্ফালদগী খারোমদা কিলোমিটর ২৭ (মাইল ১৭) চৎলগা সদর হিল্স এরিয়া, সেনাপটি ডিষ্ট্রিক্টতা লৈ। লমকোয়বা মীওই চা কয়ানা ৱাটরফোল (ঈশিং কবোক চাইবী) অসিদা নুংঙাইথোকপা অমদি সদু চিরু ৱাটরফোলগী অকোইবগী ফজবা য়েংবা মী য়াম্না নীংথম-কালেন নাইদনা লাক্নৈ। ঈশিং চাইথফম মথাং অহুম থোক্না লৈরিবা ইশিং কবোক চাইবীসিগী অহানবগী ৱাটরফোল অসিনা মিটর ৩০ রোম ৱাংই।মসিগী নাকলদুমক্তদা অগাপে পার্ক কৌবা নৌনা শেমগৎলকপা পার্ক নত্রগা লৈকোল অমসু লৈ। পার্ক অসি ইচুক কৈরাপকী কমলুন তেলিয়ন হায়বা মপু/মীওই অমনা য়েংশিল্লি।
-
কৌব্রু লাইখা
মসি মণিপুরদা লৈবা মমিং চৎপা সিব-মহাদেবগী লাইশঙশিংগী মনুংদা অমনি। সিব্রাট্রি অমশুং কনৱুদকী মতমদা মফমসিদা মী শঙ্গু-শঙ্গু লাকই। কৌব্রু চীংদা শঙ্গোম হৈরবদি মফমসিদা তারকই হায়নৈ। কৌব্রু লৈখা লাইশঙ অসি নেস্নেল হায়ৱে অনী ফাওরগা ইম্ফাল তুরেলগী তোর্ব্বান্দা লৈ।
-
ৱিল্লোং খুল্লেন (মেগালিঠ)
ৱিল্লোং খুল্লেন অসি নেস্নেল হায়ৱে ২ (ইন্দিয়া) (মরাম)গী মরাম-পেরেন লম্বীদগী কিলোমিটর ৩৭ (মাইল ২৩) চৎলগা লৈবা খুল অমনি। মসি ষ্টোনহেঞ্জগা য়াম্না মান্নবা নুঙশিং য়ুংদুনা লৈবা মফমনি। খ্বাইদগী ৱাংবা নুঙ খরদি মিটর ৭ ফাওবা ৱাংই অমদি মিটর অমা থাই। ৱিল্লোং খুল্লেন অসি চীংমাইদগী চপ য়ুংবা মফমদা শাবনি।